Іс-шара барысында жас оқырмандар суретшінің өмірі мен шығармашылық жолымен танысып, театр өнеріне қосқан зор үлесі туралы қызықты мәліметтер алды. Сонымен қатар, оның шығармаларынан шабыт алып, өз қиялдарын қағаз бетіне түсіріп, түрлі-түсті бояулар арқылы әсем суреттер салды.
Шығармашылық сағат балалардың бейнелеу өнеріне деген қызығушылығын арттырып, эстетикалық талғамын қалыптастыруға, қиялын дамытуға және ұлттық өнерді құрметтеуге бағытталды.
Түркістан облыстық Ы. Алтынсарин атындағы балалар кітапханасы жас оқырмандарды өнер мен руханият әлеміне жетелейтін танымдық шараларын алдағы уақытта да жалғастыра береді.
