Түркістан облыстық Ы.Алтынсарин атындағы балалар кітапханасында италиялық жазушы, эколог, БҰҰ мен ЕҚЫҰ-ның халықаралық еріктісі, ұлы ойшыл Әбу Насыр әл-Фараби мұрасын зерттеуші Роберто Болтри және сүйікті жары ардагер кітапханашы Алтын Маханбетжанова қонақта болды.
Құрметті қонақтар кітапхананы аралап, оның тыныс-тіршілігімен, заманауи мүмкіндіктерімен және оқырмандарға қызмет көрсету бағыттарымен, кітапхана мамандары жүзеге асырып жатқан жобалар мен бастамалар жайлы танысты.
Роберто Болтри кітапханамыздың алтын қорына өзінің «Ұмытылған тарих» және «Итальянец – “esubero” Центральной Азии» атты кітаптарын табыстады. Бұл құнды сый кітапхана қорын толықтырып, оқырмандардың тарихи-танымдық әдебиеттерге деген қызығушылығын арттыруға мүмкіндік берері сөзсіз.
Құрметті қонақтарға кітапхана директоры Летаев Рысбек Ермекұлы арнайы сый-құрметін көрсетіп, өз алғысын білдірді.
Әл-Фараби мұрасын зерттеуші Роберто Болтридің кітапханамызға арнайы келуі – халықаралық мәдени байланысты нығайтуға, рухани құндылықтарды дәріптеуге және кітапхана мен оқырман арасындағы танымдық көпірді кеңейтуге бағытталған маңызды кездесу болды!
