«Кітаппен өскен отбасы» жобасының мақсаты – ата-аналардың кітап оқуға деген қызығушылығын арттырып, отбасында рухани орта қалыптастыру және кітап оқу мәдениетін дәріптеу.
Жоба барысында ата-аналар өздері оқыған кітаптарымен бөлісіп, пікір алмасып, рухани-танымдық кездесулер мен отбасылық оқу дәстүрін насихаттайтын шараларға қатысады. Бұл бастама отбасындағы сыйластықты нығайтып, балаға өнегелі тәрбие берудің маңызын арттыра түседі.
Кітап оқитын ата-ана – саналы ұрпақтың кепілі.
Себебі бала ең алдымен ата-ананың әрекетіне қарап бой түзейді.
«Кітаппен өскен отбасы» – кітап арқылы отбасы құндылығын арттыратын рухани жоба.
