Ислам діні – қазақтың қанына сіңіп, қалпын түзеген, дәстүрі мен салтына кірігіп үйлесім тапқан, ұлттың ұйытқысына айналған жан айнасы. Мұның дәлелі – «Бір Алланың атымен, Кел, балалар оқылық» деп елді білім, ғылым жолына шақырған Ыбырай атамыздың қолыңыздағы кітабы. Үшбу кітап – дінге ден қойған мұсылман қауымының шариғат шарттарын танып білуіне септігі зор. Аталмыш еңбекте – Алласына бет бұрған әрбір пенденің парыздары мен таным білімін көркейте түсетін пікірге толы. Тілі жатық, түсінікке оңай жазылған.